ប្រជាជនម៉ូស្លីមរាប់ពាន់នាក់បានជួបជុំគ្នានៅប្រទេសឥណ្ឌូនេស៊ីទោះបីជាមានការហាមឃាត់មិនអោយមានការប្រមូលផ្តុំគ្នាច្រើនក៏ដោយ

អ្នកធ្វើធម្មយាត្រាមូស្លីមរាប់ពាន់នាក់មកពីទូទាំងទ្វីបអាស៊ីបានប្រមូលផ្តុំគ្នានៅក្នុងប្រទេសឥណ្ឌូនេស៊ីនៅថ្ងៃពុធទី ១៨ ខែមីនាឆ្នាំ ២០២០ ទោះបីជាមានការភ័យខ្លាចថាការប្រមូលផ្តុំរបស់ពួកគេអាចជំរុញការរីករាលដាលនៃវីរុសហ៊ីវ -១៩ ក៏ដោយ។  ។  នេះគ្រាន់តែ ២ សប្តាហ៍ប៉ុណ្ណោះបន្ទាប់ពីព្រឹត្តិការណ៍ស្រដៀងគ្នានេះនៅប្រទេសម៉ាឡេស៊ីដែលបណ្តាលអោយមានការឆ្លងជាង ៥០០ នាក់។  ប្រភពព័ត៌មាន CNA បាននិយាយថាពួកគេនៅតែធ្វើព្រឹត្តិការណ៍នេះទោះបីអាជ្ញាធរបញ្ចុះបញ្ចូលអ្នករៀបចំឱ្យបញ្ឈប់ព្រឹត្តិការណ៍នេះក៏ដោយ។

អ្នករៀបចំកម្មវិធីម្នាក់បានប្រាប់រ៉យទ័រ នៅពេលដែលត្រូវបានគេសួរអំពីហានិភ័យ ដែលអាចមានការឆ្លងវីរុសនៅក្នុងព្រឹត្តិការណ៍នោះថា ពួកគេមិនបានខ្លាចអ្វីនោះទេ ពួកគេកោតក្រែងតែព្រះរបស់ពួកគេប៉ុណ្ណោះ។ ដោយលោក Mustari Bahranuddin បាននិយាយថា៖«យើងកោតខ្លាចព្រះរបស់យើងជាង។ ដោយសារគ្រប់គ្នាជាមនុស្ស ពួកយើងខ្លាចឈឺ ការស្លាប់។ ប៉ុន្តែវាមានអ្វីមួយច្រើនជាងរាងកាយរបស់យើង នោះគឺវិញ្ញាណរបស់យើង»។

មន្ត្រីប្រចាំតំបន់ម្នាក់ឈ្មោះ Arifuddin Saeni បាននិយាយថា អ្នករៀបចំបានច្រានចោលសំណើផ្លូវការពីអាជ្ញាធរដើម្បីពន្យាពេលការជួបជុំនេះ។ ហើយក្រុមមន្ត្រីបានប៉ាន់ស្មានថា មានមនុស្សចំនួន ៨,៦៩៥នាក់ បានប្រមូលផ្តុំគ្នារួចរាល់ហើយ នៅ Gowa ជិតក្រុង​ Makassar នៃខេត្ត Sulawesi ខាងត្បូង ដោយបន្ថែមថា ចំនួននេះនឹងពិបាកក្នុងការបញ្ឈប់ដំណើរការការជួបជុំរបស់គេណាស់៕

អត្ថបទ៖ លីដា
ប្រភព៖​ channelnewsasia