អ្នកនាំពាក្យក្រសួងធម្មការ អះអាងថា ករណី ព្រះសង្ឃ ឡុង ចន្ថា ឆាតញ៉ែស្រី បានបញ្ជូនទៅគណៈសង្ឃនាយក ដើម្បីពិនិត្យហើយមានភស្តុតាងវីដេអូ

ភ្នំពេញ៖ មានការបែកធ្លាយឃ្លីបវីដេអូមួយ បង្ហាញពីសកម្មភាពព្រះសង្ឃ ឡុង ចន្ថា ឆាតញ៉ែស្រី ផ្អើលពេញបណ្តាញសង្គម Facebook និង នាំឱ្យពុទ្ធបរិស័ទដែលគោរពប្រតិបត្តិតាមព្រះពុទ្ធសាសនា មានការខឹងសម្បារជាខ្លាំង ។

ទាក់ទិននឹងបញ្ហានេះ លោក សេង សុមុនី អ្នកនាំពាក្យក្រសួងធម្មការ និងសាសនា ថ្លែងប្រាប់នៅថ្ងៃទី២ ខែឧសភា ឆ្នាំ២០២០ នេះ ថា ករណីនេះ គឺ បានបញ្ជូនទៅគណៈសង្ឃនាយក ដើម្បីពិនិត្យហើយ ។

បើតាមលោក សេង សុមុនី គឺ ព្រះសង្ឃ ឡុង ចន្ថា ធ្លាប់ទទួលលិខិតព្រមានម្តងរួចមកហើយ ពីខាងក្រសួងធម្មការ និងសាសនា ពាក់ព័ន្ធការទេសនា បែរជាជេរបញ្ចោរ ទៅវិញ ។

ទន្ទឹមនេះ លោក សេង សុមុនី អះអាងថា លោកនឹងជំរុញករណីនេះ ទៅគណៈសង្ឃនាយក ដើម្បីមាននីតិវិធី ឱ្យបានឆាប់រហ័សលើ ព្រះសង្ឃ ឡុង ចន្ថា ៕

ប្រភពពីហ្វេសប៊ុក